Ufichuaji/upigaji filimbi

Katika Hanns R. Neumann Stiftung (HRNS), uadilifu, maadili na uwajibikaji wa kibinafsi huchukuliwa kuwa tunu kuu na sehemu ya msingi ya jinsi tunavyofanya kazi. Tunakuza utamaduni wa uwazi, uwazi na mawasiliano ya heshima. Tumejikita kusikiliza na kufanyia kazi kero zote zinazotolewa kwa nia njema.

Iwapo, katika hali fulani, mazungumzo ya wazi hayawezekani au hayafai, tunakuhimiza kuripoti kesi zozote zinazoshukiwa za makosa, tabia isiyo ya kimaadili, au ukiukwaji kupitia mfumo wetu wa ufichuaji, kwa mujibu wa Sera yetu ya Ufichuaji.

Ripoti zinaweza kujumuisha suala lolote la tabia isiyo ya kimaadili au haramu, utovu wa nidhamu unaoshukiwa, ukiukaji wa wajibu wa kisheria au udhibiti, hatari za kiafya na usalama, uharibifu wa mazingira, matumizi mabaya ya rasilimali, ubaguzi, unyanyasaji au uonevu.

Ripoti zinaweza kuwahusu wafanyakazi wa HRNS, washirika, washauri, wanufaika, wasambazaji, au wahusika wengine wowote, wawe watu binafsi au mashirika, yaliounganishwa na shughuli za HRNS.

Unaweza kuwasilisha ripoti yako kupitia: (1) fomu ya kuripoti ya tovuti ya HRNS (limeelekezwa kwa Afisa wetu wa Uzingatiaji au kwa mjumbe wetu wa nje wa malalamiko, kulingana na unavyotaka kuelekeza ripoti); (2) kwa kuwasiliana na mwangalizi wetu wa nje Dkt. Philipp Engelhoven (whistleblower.hrns@esche.de, Namba ya simu. +49 40 36805 119); au (3) kwa kutuma barua pepe kwa Afisa wetu wa Uzingatiaji kwa complianceoffice@hrnstiftung.org. Ikiwa swala lako linahusisha Afisa Uzingatiaji, tafadhali wasiliana na mwangalizi au Mkurugenzi Mkuu wetu Jens Sorgenfrei (managing.director@hrnstiftung.org, Namba ya simu. +49 40 808112 406). Unaweza pia kuwasiliana na ofisi za serikali za nje za kuripoti.

Ripoti zote zitashughulikiwa kwa haraka, kwa heshima na kwa usiri mkubwa. Ripoti zisizojulikana zinachukuliwa sawa na zile zilizo na maelezo ya mawasiliano. Unaweza kubaki bila jina/kujulikana kwa kuacha sehemu za mawasiliano zikiwa wazi katika fomu ya mtandaoni au kwa kutumia barua pepe au nambari ya simu isiyoweza kutafutwa. Kama ukiwasilisha ripoti, taarifa za kibinafsi na maelezo vinakusanywa kulingana na Sera yetu ya Faragha.

Tumejidhatiti katika kuwalinda watoa taarifa dhidi ya kulipiziwa kisasi. Aina yoyote ya kulipiza kisasi ni kosa kubwa la kinidhamu na linaweza kusababisha kusitishwa kwa ajira au ushirikiano.

Kwa kuibua maswala yenye mashaka, unatusaidia kufichua utovu wa nidhamu, kuzuia madhara na kuimarisha uadilifu. Tunakushukuru kwa mchango wako muhimu katika kudumisha maadili yetu.

Iwapo ungependa kutumia fomu yetu ya mtandaoni, unachagua kwanza ikiwa ungependakuripoti kwa Afisa Uzingatiaji wa HRNS au mwangalizi wa nje. Kwa kupakia faili tafadhalifuata maelekezo katika fomu husika.